د البیروني پوهنتون د ژورنالېزم پوهنځی د خزاني والیبال سیالیو اتل شو
د ۱۴۰۵ هـ.ش کال د خزاني والیبال سیالۍ، چې د البیروني پوهنتون د محصلانو چارو معاونیت د ورزشي عمومي مدیریت له لوري د یاد پوهنتون د نهو پوهنځیو د والیبال ټیمونو ترمنځ ترسره شوې وې، د ژورنالېزم پوهنځي د ټیم په اتلولۍ پای ته ورسېدې.
په دې سیالیو کې نهو ټیمونو ګډون کړی و، چې د لومړنیو سیالیو له ترسره کېدو وروسته د شرعیاتو او ژورنالېزم پوهنځیو ټیمونه وروستۍ سیالۍ ته لار ومونده. په وروستۍ لوبه کې د ژورنالېزم پوهنځي ټیم د غوره لوبې په ترسره کولو سره خپل سیال ته ماتې ورکړه او د اتلولۍ جام یې خپل کړ.
د دغو سیالیو د ترسره کولو موخه د البیروني پوهنتون د منتخب ټیم د جوړولو لپاره د غوره لوبغاړو پېژندل، د محصلانو ترمنځ د همکارۍ او سالمې سیالۍ د روحیې پیاوړتیا او په تحصیلي چاپېریال کې د ورزش د فرهنګ دودول بلل شوي دي.
