د البيروني پوهنتون رهبرۍ، استادانو، اداري او خدماتي کارکوونکو ته درې ورځنۍ اصلاحي او تربیوي برنامه پیل شوه
نوموړې برنامه، چې درې ورځې به دوام وکړي، نن شنبې ورځ د البيروني پوهنتون جامع مسجد کې پیل شوه، چې پکې د البيروني پوهنتون درنې رهبرۍ، استادانو او ټولو اداري او خدماتي کارکوونکو ګډون کړی وو.
د يادې برنامې په پیل کې د البيروني پوهنتون عمومي رییس مفتي وقایت الله وقار حنفي ګډونوالو ته لنډې خبرې وکړې او نوموړې برنامه يې چې پکې اصلاحي او تربیوي درسونه وړاندې کېږي؛ ګټوره وبلله او هم يې د پوهنتون ټول پرسونل ته سپارښتنه وکړه، چې يادو درسونو ته په شوق او ټاکلي وخت ځانونه حاضر کړي.
ياد اصلاحي او تربیوي درسونه د لوړو زده کړو محترم مقام د حکم او د دعوت او ارشاد محترم رياست د پلان په رڼا کې نن ورځ د کاپیسا علماوو شورا رياست غړو؛ شیخ القرآن والحدیث ښاغلي م.ولوي سید اشرف زاهد او شیخ القرآن والحدیث ښاغلي م.ولوي صبغت الله ح.ق.ا.ن.ي لخوا وړاندې شول
