البيروني پوهنتون د حوض د بنسټ ډبره کېښودل شوه
په همدې تړاو په البيروني پوهنتون کې ځانګړې غونډه ترسره شوه، چې پکې د البيروني پوهنتون رئیس، ښاغلي مفتي وقایت الله وقار حنفي، علمي چارو مرستیال، ښاغلي مولوي عبدالاحد ح ق اني، مالي او اداري چارو مرستیال، ښاغلي قاري محمدالدین انس، محصلانو چارو مرستیال، ښاغلي پوهنیار مشتاق حقیار، د پوهنتون استادانو او اداري کارکوونکو ګډون کړی وو.
په دغه غونډه کې د البيروني پوهنتون رهبري لخوا د نوموړي حوض جوړولو شرکت مسؤلینو ته پیغام ورکړل شو، چې موږ له تاسو څخه نور هیڅ نه غواړو؛ یوازې دا غواړو، چې زموږ کور (البيروني پوهنتون ) په جوړولو کې ډېره هڅه او کوشش وکړئ، په پوره اخلاص او اساسي ډول يې رغنیزې چارې پر مخ یوسئ.
دغونډې په پای کې د البيروني پوهنتون ښاغلي رئیس، د پوهنتون درنو مرستیالانو او مسولينو لخوا د پوهنتون د حوض د پرانستې لپاره چمتو شوې پټۍ پرې شوه او د یاد حوض د جوړولو د بنسټ ډبره کېښودل شوه.
د یادونې وړ ده، چې نوموړی حوض د درې زره متره مکعب اوبو ذخیره کولو په ظرفیت د درې میلیونه پنځه سوه څلور زره او اوه سوه افغانیو په ارزښت په قرارداد ورکړل شوی دی، چې د جوړولو چارې یې د نوي کوهستان شرکت لخوا پر مخ وړل کېږي.
نېټه: چهارشنبه، ١/٥/١٤٤٥ ل.س
