د البیروني پوهنتون د نړیوال ژورنال لومړۍ ګڼه خپره شوه

الحمدلله، د کلونو انتظار پای ته ورسېد او البیروني پوهنتون ته یو ستر علمي بری ورپه برخه شو!

د البیروني پوهنتون درنې رهبرۍ، درنو استادانو او د هېواد علمي–اکادمیکې ټولنې ته د مبارکۍ تر څنګ، په ډېر ویاړ او خوښۍ سره خبر ورکوو چې د البیروني پوهنتون د علمي څېړنو معاونیت د دې پوهنتون رهبري په ملاتړ او د خپلو هڅاندو همکارانو په هلو ځلو وتوانېد چې د خپل نړیوال ژورنال لومړۍ ګڼه، چې د «افغانستان د دوامداره پرمختیا لپاره د صنعتي انقلاب ملي کنفرانس »  د مقالو له ډلې څخه  ۱۲ علمي مقالې، د خپلې ژمنې له مخې، په معیاري ډول، د ټولو علمي او تخنیکي پړاوونو له بشپړېدو وروسته، د خپل نړیوال ژورنال له لارې خپرې کړي.

د البیروني پوهنتون د نړیوال ژورنال د لومړۍ ګڼې لینک:

https://aui.journal.edu.af/index.php/Alberoni/issue/view/34

د یادونې وړ ده چې د نوموړي ملي کنفرانس نورې غوره مقالې تر پروسس لاندې دي او په نږدې اوونیو کې به د دې علمي بنسټ د نړیوال ژورنال د دویمې ګڼې په ترڅ کې خپرې شي.