د البیروني پوهنتون استادانو ته (د اسلامي شريعت او طب له نظره د نشه‌يي توکو زیانونه) په اړه سمینار وړاندې شو

islam_admin
سه‌شنبه ۱۴۰۵/۴/۹ - ۱۱:۴۹
پوهنتون البیرونی

د البیروني پوهنتون د علمي چارو معاونیت اړوند د علمي کادر غړو د مسلکي پرمختیا آمریت له لوري، د (اسلامي شريعت او طب له نظره د نشه‌يي توکو زیانونه؛ د ځوان نسل د اصلاح او عامه پوهاوي په موخه) تر سرلیک لاندې سمینار، د پوهنتون د رهبرۍ پلاوي، استادانو، اداري کارکوونکو او خدماتي پرسونل په ګډون، د نشراتو او عامه اړیکو آمریت په تالار کې وړاندې شو.

په دغه سمینار کې ګډونوالو د نشه‌يي توکو له ډولونو، د روږدي کېدو له لاملونو، د هغو له روغتیايي، ټولنیزو، اقتصادي او اخلاقي ناوړه پایلو سره اشنايي ترلاسه کړه. همدارنګه، د اعتیاد د مخنیوي لارو، له نشه‌يي توکو سره د مبارزې د څرنګوالي او د دې ناوړې پدیدې په مخنیوي کې د ځوانانو د رول په اړه اړین معلومات هم وړاندې شول.

د سمینار په پای کې د البیروني پوهنتون عمومي رئیس، محترم شیخ‌الحدیث سید بشیرآغا هاشمي، د عامه پوهاوي د ارزښت په ستایلو سره، د دیني او اخلاقي ارزښتونو پر پیاوړتیا او د نشه‌يي توکو له خطرونو څخه د ټولنې د خوندي ساتلو لپاره پر ګډو همکاریو ټینګار وکړ.

د یادونې وړ ده چې دغه سمینار د البیروني پوهنتون د شرعیاتو او طب پوهنځیو د استادانو، محترم پوهنمل مجاهد ابراهیمي او محترم پوهنمل شامري شادان، له لوري وړاندې شو.

تازه خبرونه

سه‌شنبه ۱۴۰۵/۸/۲۶ - ۹:۴۸
Background image

د " انسان پر روغتیا د افت‌وژونکو درملو ناوړه اغېزې" تر سرلیک لاندې علمي-څېړنیز کنفرانس د البیروني پوهنتون استادانو او محصلانو ته وړاندې شو

د " انسان پر روغتیا د افت‌وژونکو درملو ناوړه اغېزې" تر سرلیک لاندې غیرتدریجي علمي-څېړنیز کنفرانس، د علمي پوهاوي د لوړولو او د انسان پر روغتیا د افت‌وژونکو درملو د زیانمنو پایلو په اړه د. . .

شنبه ۱۴۰۵/۸/۲۳ - ۱۴:۲۵
Background image

د "اسلامي شریعت کې د تقوا اهمیت" تر سرلیک لاندې ښوونیز سیمینار د البیروني پوهنتون استادانو ته وړاندې شو

د "اسلامي شریعت کې د تقوا اهمیت" تر سرلیک لاندې یو ورځنی ښوونیز سیمینار د البیروني پوهنتون استادانو ته، د دغه پوهنتون د علمي معاونیت اړوند د استادانو د مسلکي ودې مرکز له لوري، د. . .

چهارشنبه ۱۴۰۵/۸/۲۰ - ۱۳:۰
Background image

د البیروني پوهنتون د حقوقو او سیاسي علومو پوهنځي محصلینو ته د "حقوقي لیکنې" تر سرلیک لاندې ښوونیز سیمینار وړاندې شو

د محصلینو د مسلکي مهارتونو د پیاوړتیا او د حقوقي متنونو د تنظیم له اصولو او قواعدو سره د هغوی د بلدتیا په موخه، د البیروني پوهنتون د حقوقو او سیاسي علومو پوهنځي د څلورم ټولګي محصلینو ته. . .

BACK TO NEWS